泰濃麵 (樂道)

营业中

休息中

今日去尖沙咀行街, 然后就去 bookmarked 咗好耐嘅 ❥⧽泰浓面 ❥⧽ 食饭喇。餐厅环境充满怀旧嘅情怀, 有好经典嘅格仔地砖, 墙上挂满泰式船面嘅相。𓊈卜卜蚬 ✧ 冬阴公汤 ✧ 黄面 $𝟠𝟡𓊉卜卜蚬都几厚肉, 只只都胀卜卜, 好鲜甜。冬阴公汤底同平时饮嘅冬阴公系一样㗎, 唔会淡味, 亦唔算太辣, 里面仲有虾, 青口, 蟹柳, 秀珍菇同秋葵, 而只虾系新鲜虾所以好爽口。黄面有口感, 同车仔面嘅油面差唔多。𓊈顶级安格斯牛肉 ✧ 冬阴公汤 ✧ 河粉 $𝟠𝟡𓊉安格斯牛肉好粉嫩呀, 牛肉味香浓, 肉质软腍。河粉软熟, 连埋个汤一齐食, 真系会忍唔住饮晒 d 汤。𓊈泰式炸腩仔 $𝟞𝟡𓊉个猪腩仔炸得好靓, 外层脆脆地, 一半系比较肥嘅脂肪, 另一半系猪肉, 蘸埋个泰式酱一齐食, 唔会觉得油腻, 仲好惹味。𓊈泰式青柠梳打特饮 $𝟚𝟠𓊉青柠汁底加支装梳打水, 味道唔会太甜, 少少酸酸地可以解一解辣。✧✧ 整体嘅食物, 饮品都好好, 职员好 nice, 餐厅位置都好方便, 如果想食泰国面绝对可以选择呢间餐厅呀。