打邊爐

营业中

休息中

秋风起，系时候打边炉食麻辣火锅! 打边炉枱分布有距离，冷气够。自家制XO酱超足料 $128 超级足料，恳求店员卖两罐俾我哋 ，用嚟捞面或者炒菜都好正，因为系自家制所以数量有限。自家制香茅柠檬薏米水 $20, 自家制竹蔗茅根水 $20甜度适中，食麻辣火锅咁辣最啱解辣，好过饮汽水。前菜开胃小食 黑醋云耳 $18清爽嘅云耳、微酸嘅醋味好开胃。风沙椒盐粟米 $68鲜甜嘅粟米以椒盐炸过，十分惹味。自家制黄金炸鱼皮 $88简直系镇店之宝级嘅小食，好多咸蛋黄，鱼皮劲松脆。鸳鸯汤底: 四川麻辣锅辣杏汁猪肺菜干汤底 $108+$68麻辣汤底小辣刚好，里面有猪皮腐竹，好入味。杏汁猪肺汤汤头奶白色，里面有好多猪肺，未打边炉先饮碗靓汤。花雕滑牛 $98肉质靓，花雕腌过充满酒香。西班牙黑毛猪 $138肥瘦适中啱啱好，入口爽滑。自家制手酿芝士虾丸 $58爆汁芝士丸，虾肉弹牙新鲜。自家制芹菜带子饺 $58芹菜好香里面有完粒小带子，好鲜甜。皮蛋芫荽饺子 $58饺子好大粒芫荽皮蛋好足料。杂菜盘$58份量足，蔬菜新鲜。沙包猪皮$48食麻辣火锅最好就用猪皮同支竹吸汤汁精华。食物高质，服务周到，十分满意。