振興肉丸

营业中

休息中

听闻大埔振兴肉丸字号老，超过五十年，肉丸出名，既然嚟到大埔，一于选购回家品尝。舖头面积一般，但系一排排冻柜，不同嘅肉丸款式，林林总总，传统或创新的口味，一应俱存，令人花多眼乱，拣咗几款口碑好及地道嘅就走。回家用上汤煮，趁热试吓。牛骨浓汁牛丸有鲜味，爽口弹牙，juicy多汁，内里有牛筋健康猪肉丸有一贯猪肉丸嘅香酥脆口，爽甜滋味，慢慢渗透，要细味品尝。鱼旦小笼包及麻辣小笼包都系创新品种，缩细版小笼包外型，小巧得意，细细粒，相信细蚊仔一定钟意。咬开爽脆外皮就有免治肉做馅，幼滑多汁麻辣小笼包嘅麻辣味稍为未够爆发力，相信加重辣味，效果会更突出。振兴肉丸标榜无人造色素及防腐剂，较为安心食用，可以试多啲其他款式。