意堡

营业中

休息中

今日去左牛头角呢个小店，唔容易揾到喺巷仔入面，不过呢个小店得老板一个打理都做得非常出色，仲有猫猫走黎走去同我地玩。🍔 香草鸡扒汉堡 $45呢度嘅汉堡上菜系打开比你睇，鸡扒劲厚切，老板仲好贴心有剪开少少方便咬，咬落去非常之多肉汁，再加埋有汁有少少辣食落好惹味。🍝自家腌制猪颈肉意粉 $55呢度除左汉堡出色，意粉都劲正，猪颈肉超厚切仲要煎得劲香，咬落劲juicy，个意粉系用左蒜蓉同黑椒去炒劲香，我觉得仲好食过出面百几蚊一碟嘅意粉🤤🍗七味粉蒜香单骨鸡翼(3只）$22🦑忌廉芝土汁墨鱼肉 $30两款小食都唔错，鸡翼炸得好香脆又好够七味粉，墨鱼又唔会韧同个芝士汁都几夹。🫕 是日餐汤 $7🥤自家制柠檬薏米水 $7呢个嘅野饮都几平又好饮，餐汤系忌廉汤几鲜甜，薏米水就几清新好解腻。