SPICE Restaurant & Bar

营业中

休息中

同朋友聚会上嚟揾食，睇中咗个咖喱，果然无令我失望。不过其他就一般啲，而且环境比较嘈，倾偈比较辛苦。先嚟个小食柠汁鱿鱼，几好食，开胃菜一流。然后我地见到人地点呢个拼盘好似唔错，但结果味道我地觉得麻麻地。可能唔太啱香港人口味，几款唔同既肉丸，唔同既豆泥，仲有配一兜烤饼既，但我哋就觉得一般般，个羊乳酪串朋友仲觉得好骚。海鲜pizza整得唔错，芝士都好香，不过就有啲漏，我只系食到一件。我主要既目标系呢款咖哩鸡，个汁好香，少少辣好好食，鸡肉都嫩身，配烤饼一流。半份ribs就一般水准，肉质有啲韧同鞋。嚟呢度主要饮酒，但我同啲朋友都觉得呢度都酒偏浓，我地其实唔太好，所以个个都叫多杯mocktail。饮返啲甜嘢好啲。呢度waiter大部分似印度藉，用英文交流都差咁啲咁，可能我英文唔够好啦。不过佢地好热情，临走仲请我地饮shooter，不过都真系太嘈，即使坐位宽敞，都唔太relax到咁。