樂天皇朝 (將軍澳中心)

营业中

休息中

我间中都会当佢系饭堂。呢间将军澳中心嘅”乐天皇朝”，系好多附近街坊同工作人士嘅饭堂，喺未有咁多分店之前，佢已经系五颜六色小笼包嘅始祖。唔知系咪饮食业难做，近年开始有不同嘅优惠keep住做。例如系下午茶有5折/6折(平日/假日)，有时又做晚市特价，好似最近就做食满$100加$10有六只叉烧小笼包。佢嘅小笼包系OK嘅，又薄又多汁，印象中黑松露味系惊为天人，今日食嘅叉烧味就还算好。但系我最钟意嘅系佢嘅鲍鱼炒饭，非常入味，基本上我每次嚟都会叫。其他就standard嘢，海蜇同蒜香排骨都可以试吓。佢啲主菜份量都唔细，要就住叫。最后要留意佢个前菜同茶都要收钱，其实埋单个base银码都唔细。