潤潤麵 (已結業)

今日经过庙街，明明刚刚饮完茶，都被这间小店吸引入去。店舖装修简单光猛舒服，每个位置都贴心有扣方便食客勾住手袋，值得赞👍👍食物可能用心准备嘅关系所以需要一啲时间，不似其他食店即叫即到，由此睇得出系即叫即做。首先系下午茶加上已经食饱，所以嗌左个姜葱鲜牛饱，外脆内软，牛肉有肉汁配上姜葱味好好食，面包微暖不会太熨手。同伴叫左个猪扒包，一样香脆肉汁鲜嫩，但可惜味道偏咸。小食嗌左牛油蒜香鸡翼，热辣辣起码等5分钟先可以食，同样嫰滑蒜泥味突出，钟意香口嘅朋友唔好错过。