摩登堂 (荃灣廣場)

营业中

休息中

荃湾广场新开咗间泰国菜，行过门口都觉得好吸引~男朋友上次同朋友食过几好食，带我再去食过！先黎嘅系斑兰香叶包鸡，鸡块唔会太干身，调味刚好。原来出面块荷叶唔食得🫢见佢脆卜卜咁以为连埋食😅猪颈肉都好香口，烤出嚟嘅颜色好靓，唔配酱料会食到少许甜甜地嘅蜂蜜味，配埋甜辣酱，味道上又提升左一个层次。马拉盏炒通菜唔辣，大大碟又够晒入味，差叫想叫碗白饭！🤤烤金菠萝虎虾蟹肉炒饭十分足料，有大大旧菠萝做伴碟，菠萝香甜多汁😋虎虾都大大只，仲有唔少蟹肉。略嫌个炒饭比较淡味，食落唔算好吸引，但胜在够大碟🤓另外，我地叫左两杯野饮🥂，分别系斑兰生椰乳沙冰，同烤杏仁生椰。前者个cream 偏甜，有好浓嘅斑兰味，后者椰奶味较重，加左少许杏仁片，味道唔错。最后我地仲叫咗两杯雪糕🍧，系黑糖珍珠雪糕同榴梿糯米饭雪糕，都系预想之中嘅味道；个雪糕底系北海道牛奶雪糕，奶味偏淡，唔算好有惊喜。 整体而言，野食味道都系水准以上，价钱唔算贵，又可以食齐小食、主菜同甜品饱住走，系值得推荐嘅一间泰菜餐厅！