Dazzling Cafe (皇室堡) (已結業)

同友人睇戏前食个快晚饭，就拣左戏院附近嘅Dazzling Cafe! 喺香港开左咁耐，我系第一次黎咋！失礼晒我地叫左3个意粉黎share，各自叫自己嘅饮品，我就拣左水果茶。我都几钟意佢个水果茶，同其他西式餐厅唔同，佢唔系得个香味 (饮落就只有茶味果种)，佢杯入面有半杯水果，茶壶入面亦有橙，饮落甜甜地，又有水果香，好啱少女架！意粉陆续送到！乌鱼子蒜香意大利面一上枱就已经好香，捞均面头嘅黄金乌鱼子，每啖都有乌鱼子，都几香，唔会太咸。怕腥嘅朋友都唔洗怕，因为无鱼子嘅腥味，不错！依个带子意大利面系我嘅推介。佢系一个炒意粉，炒得好香，个酱汁有少少甜味，好入味，再加上嫩嫩嘅带子，同鱿鱼，好味道呀！最后就系黑松露长通粉，都几creamy，但唔会太heavy，有少少蘑菇配搭黎食，都唔错架！整体黎讲，依度d意粉都唔错，唔会煮得过熟，好有咬口，而且味道不俗，分量亦啱啱好。