Couple's Kitchen (已結業)

次次黎呢到都系食牛排，但咁岩见到佢转左菜单有「慢煮羊架配生姜烩甘笋蓉」，即刻试一试佢。先黎左个餐包同餐汤，咁个餐包都几软熟，而餐汤应该系蕃茄汤，虽然本身唔系太钟意饮，但佢酸既程度都仲系可接受范围，又未去到罗宋汤果个酸度。之后就到主菜同餐饮，杯柠檬茶好大杯，不过就略嫌唔够涩，甜味都差少少。个慢煮羊架可以配薯条或者意粉，咁我配左薯条，啲薯条唔系太脆。个羊架睇落好肥，但系点少少甘笋蓉，甜得黎又唔会觉得好肥腻，份量好似好少但饱到夜晚。不过咁岩餐厅附近有装修工程，会有d嘈，如果唔系都系一间几宁静既餐厅。