影片
更多
2015-09-05
5294 浏览
生日好开心！应朋友邀嚟食呢一餐矜贵嘅铁板之夜！由于一早book定台，所以唔使等。准时到达楼下，要搭lift上一层，店内灯光昏暗，只有厨师bar位灯光比较光，一下子都未睇到个整体装修。被店员安排到铁板bar位置，估计呢个L型bar台可以坐到8位客人左右，亦有不少日系装饰布置。今餐由朋友拍板点餐，点咗一个二人餐。未上餐前，店员先递上餐前小食，每人一份！一边食住小食一边倾下偈，感觉唔错哦！小食都摆得相当有心思～再嚟一小碗蔬菜沙律，好新鲜㖞！第一道递上嘅系只得两片嘅拖罗，基本上我系好怕喺香港食吞拿鱼，因为好难遇啱好食嘅，通常都肉质偏鞋偏干！但呢两块拖罗就唔同咁讲！肉质嫩滑、入口易溶，冇筋，相当肥美，重点唔腥！正呀！！黑鱼子蒸蛋将原只鸡蛋壳去顶去蒸，蛋滑香溜，加埋超多嘅黑鱼子⋯好满足哦！师傅将生猛龙虾拎出嚟，当住客人面前处理，手起刀落，虾身去壳起肉，再用火炙！龙虾肉质爽弹清甜，非常新鲜！虾头用嚟另制面豉汤，令有一番风味！鲜鲍鱼原只铁板烧炮制，再切开小件上碟，但味道却过火，好咸！肉质鲜嫩还可以。鹅肝香煎，配上香脆法式面包，鹅肝味特浓，体积都几大件，入口肝油满泻，满布口腔，罪恶感好重！但真系好好味！
被店员安排到铁板bar位置，估计呢个L型bar台可以坐到8位客人左右，亦有不少日系装饰布置。
今餐由朋友拍板点餐，点咗一个二人餐。
未上餐前，店员先递上餐前小食，每人一份！一边食住小食一边倾下偈，感觉唔错哦！小食都摆得相当有心思～
再嚟一小碗蔬菜沙律，好新鲜㖞！
第一道递上嘅系只得两片嘅拖罗，基本上我系好怕喺香港食吞拿鱼，因为好难遇啱好食嘅，通常都肉质偏鞋偏干！但呢两块拖罗就唔同咁讲！肉质嫩滑、入口易溶，冇筋，相当肥美，重点唔腥！正呀！！
黑鱼子蒸蛋
将原只鸡蛋壳去顶去蒸，蛋滑香溜，加埋超多嘅黑鱼子⋯好满足哦！
师傅将生猛龙虾拎出嚟，当住客人面前处理，手起刀落，虾身去壳起肉，再用火炙！
龙虾肉质爽弹清甜，非常新鲜！
虾头用嚟另制面豉汤，令有一番风味！
鲜鲍鱼原只铁板烧炮制，再切开小件上碟，但味道却过火，好咸！肉质鲜嫩还可以。
鹅肝香煎，配上香脆法式面包，鹅肝味特浓，体积都几大件，入口肝油满泻，满布口腔，罪恶感好重！但真系好好味！面包有吸油之效，配搭得宜！
和牛肉质又系一个嫩字！熟度啱啱好，牛味浓厚，冇渣！肉质松滑。
最后到炒饭时间，师傅会先征询客人需要什么图案，我就拣咗最可爱嘅面包超人，隔离客人应该就拣咗劳苏熊～师傅艺术天份都唔错哦！倒转嘅方位都可以做出一眼就认得出嘅卡通人物！犀利呀！多谢晒～
客人仲可以入去厨房位同中意嘅卡通影返张相作留念添！
当影完相，卡通人物就变成炒饭喇，炒饭配料丰富，加上卡通嘅前身，好似特别好味！
仲有即制嘅红豆沙饼，味道唔太甜，唔错！
其实食到呢度已经好饱⋯点知仲有两个雪糕波芝麻&绿茶味，仲有仲有，朋友专登叫餐厅预备嘅生日蛋糕仔⋯哗，真系好口福，好满足！
张贴
