麪譜車仔麵

营业中

休息中

讲起车仔面，通常都系谂唔到食咩嘅时候就会去食车仔面。除左屹立不倒嘅万利之外， 大埔近年好似比较少车仔面崛起（曾经有间叫车王都唔错嘅）。面谱都算系比较新又几好食嘅一间，仲要系疫情期间开店嘅（好似系）。 基本套餐一面三𩠌（好似系），食车仔面通常我都系油面或者米粉。唔记得听边个讲，车仔面识食一定系猪皮萝卜鱼蛋做胆。萝卜都系我其中一个飞佛，可惜食过两次都有渣（可能我唔好彩），佢仲有其他𩠌都唔错嘅，例如猪颈肉。多葱都系另一个重点，唔系因为食葱聪明，而系有葱先够香。 最后叫左牛腩猪皮猪颈肉油面多葱。皮蛋都好食，不过今次唔太肚饿就无叫。