DAY22 STEAK

营业中

休息中

最近天气劲冻，所以好想食热辣辣既食物。去完朋友家行过见到哩间主打石板烧既餐厅，价钱好性价比，份量对女仔黎讲都好多。好值得一提既系店员非常热情贴心既招待真系值得一赞，佢地会推介食物，又帮你攞纸巾遮住你嘅随身物件黎防止油弹到，仲会帮手煎牛扒👍感觉好窝心。安格斯牛仔骨+黑松露牛油好性价比，有2大片既牛仔骨，真系份量十足，有牛味又多肉。鹅肝配厚切美国平铁牛扒（12安士)+蒜蓉牛油哩个真系超大件又厚，个人更推介哩个，因为可以更易煎到3至5成熟，更有口感。肉质好嫩，有肉味又有肉汁，加埋个外脆内软既鹅肝真系好正，必试推介。我地加左一份套餐，加58就有酥皮汤，大饮品，同埋沙律，好丰盛。我地都好钟意食洋葱圈，见到有就一定叫，洋葱圈系即炸既，热辣辣又充满洋葱香😍最后真系食到好饱，原来仲有小甜品芒果奶冻，同朋友最后只要一个分享。