興華粥麵

营业中

休息中

行过石硖尾都喜欢到这间街坊小店食粥。内𥚃装修简单，坐位算是阔落。因为多数来的时候多数是早上十一时左右，客人唔多，多数只是公公婆婆。伙记对食客粗声粗气但又唔系无礼貌，就好似对老朋友的。唔会催人落单或埋单，可能慢慢叹一碗热粥，加一碟炸两。今次叫皮蛋及第粥（$31），粥底好绵，讲真，好过好多粥铺，冇乜味精，但及第粥冇肉丸的，猪润爽口而冇猪敖味，粉肠唔错，好干净，肉片都新鲜的，量少，每样只有一两旧，碗内加有幼姜丝，另上一小碟葱花，可能好多人叫走葱吧！如果只食一碗粥当正餐系唔够的。加一碟炸两（$12），上枱油炸鬼够脆，但唔似刚炸好的，肠粉粉皮都唔嚡口，唔算太厚，好吃，淋上甜豉油，十分满意的早午餐。