知粥嘗樂 (已結業)

经过好多次呢间桥底的粥舖，一直以为只系食粥，意外发现原来有石烧牛食，质素仲唔错，要推介下。沙巴龙趸鱼粥近期食多咗鱼，因为话有奥米加3脂肪酸，对心脏血管好。见倒竟然有沙巴龙趸精品砂锅粥，又点可以唔试下！龙趸份量超多，两个人嗌小锅都好够食！肉质嫩，啖啖肉，仲咁有个大鱼头！加埋豉油葱花，高质！$98我觉得性价比又几高。火山石烧美国特级牛柳近排多咗好多食石烧牛的专门店，嗌一块普通牛扒200g埋单可能都百五蚊。我无睇错，呢度个火山石烧美国特级牛柳只系$90，加$3仲有冻饮！！？见咁抵食，抱住试下的心态，估唔到个样又几得wo, 成个set原来仲有埋沙律，白饭。铁板够哂热，牛柳够淋，切开肉质嫩，牛味都几浓，可以用铁板加热自己钟意的熟成程度，绝对唔会比食石烧的专门逊色。三杯石锅鸡不一样的粥舖，竟然仲有石锅系列！三杯鸡份量多，件件都2寸咁大，皮薄肉嫩。味道仲几唔错，甜甜地送饭一流！3个主菜，2个人埋单先200几蚊，仲要无加一，真系超抵食！我们入座时才7点多，已听见砂锅鲍鱼虾蟹粥售罄，下次一定要早D嚟试下！