影片
更多
2019-07-20
2027 浏览
总结: 大家真系好想试的话，请等秋冬， 春夏就免喇，因为所有食物系室温摆放，店内亦几乎无冷气。而我以后就带住我小小𠮶嘅几蚊鸡去其他地方买砵仔糕。长气讲故开始: 喺附近返工好多年，一直到今个星期一先发现呢间小店🙈，即刻买咗一个蔗糖砵仔糕同黑芝麻卷嚟试试。砵仔糕虽然质地偏“粉”，但胜在甜度适中，同埋劲多红豆 (可惜黑芝麻卷就认真麻麻，无芝麻味，得个死甜）。 好开心咁同同事们分享呢个发现，等大家唔使再食唐X包点嘅砵仔糕。食过翻寻味， 第二日放工又买一个砵仔糕嚟食，一样咁好味。到星期五，问题嚟喇⬇️我买咗3个砵仔糕（真系好钟意食砵仔糕,一星期嚟3次🤣🤣），1个自己食（分开袋）,2个买返去比屋企人食。买完转个街口去到巴士站，等车时攞出嚟食。 一打开个袋，即系闻到少少酸味。我试食一口，好肯定系变坏咗，于是我即系返转头同女店主(?)/店员反映。 佢嘅回应系： “你话变坏咗，我退钱比你，但我要讲清楚，呢个系你嘅"口味问题"，我哋嘅食物无问题系新鲜制的。” 跟住一手攞起2袋（一共3个砵仔糕），完全无打开嚟睇吓闻吓， “啪”一声掉落垃圾桶。 天时暑热, 店内所有食物就咁放喺普通玻璃柜内，我买嘅时候砵仔糕
而我以后就带住我小小𠮶嘅几蚊鸡去其他地方买砵仔糕。
长气讲故开始:
喺附近返工好多年，一直到今个星期一先发现呢间小店🙈，即刻买咗一个蔗糖砵仔糕同黑芝麻卷嚟试试。
砵仔糕虽然质地偏“粉”，但胜在甜度适中，同埋劲多红豆 (可惜黑芝麻卷就认真麻麻，无芝麻味，得个死甜）。 好开心咁同同事们分享呢个发现，等大家唔使再食唐X包点嘅砵仔糕。
食过翻寻味， 第二日放工又买一个砵仔糕嚟食，一样咁好味。
到星期五，问题嚟喇⬇️
我买咗3个砵仔糕（真系好钟意食砵仔糕,一星期嚟3次🤣🤣），1个自己食（分开袋）,2个买返去比屋企人食。买完转个街口去到巴士站，等车时攞出嚟食。
一打开个袋，即系闻到少少酸味。我试食一口，好肯定系变坏咗，于是我即系返转头同女店主(?)/店员反映。 佢嘅回应系：
“你话变坏咗，我退钱比你，但我要讲清楚，呢个系你嘅"口味问题"，我哋嘅食物无问题系新鲜制的。”
跟住一手攞起2袋（一共3个砵仔糕），完全无打开嚟睇吓闻吓， “啪”一声掉落垃圾桶。
天时暑热, 店内所有食物就咁放喺普通玻璃柜内，我买嘅时候砵仔糕都系室温的。店门打开，店内冷气劲细/无，亦理解糕点系容易变坏嘅嘢。但店主不但无去检查吓啲食物有冇变坏，而且再三"坚持" 系"口味问题" 。店主认为我呢几蚊嘅小生意唔做都"罢"...
总结: 大家真系好想试的话，请等秋冬， 春夏就免喇，因为所有食物系室温摆放，店内亦几乎无冷气。
而我以后就带住我小小𠮶嘅几蚊鸡去其他地方买砵仔糕。
蔗糖砵仔糕
$7
70 浏览
0 赞好
0 留言
张贴
