安南 (利園) (已搬遷) 新店位置

一入到见到个装修好有格调，影相一流，气氛好高级！后边一排排红酒排哂系度好有气势! 开始仲以为好贵，但望过餐牌就觉得好惊喜好意外，价钱都好正常！ 叫野食时唔知拣咩好，员工好有耐心咁介绍招牌菜。我地叫左芝士烧蚝、蒜蓉牛油烧青口同咖哩汁猪扒焗珍珠饭。之后唔够喉再叫左个烟肉车厘茄串同牛柳粒串。芝士烧蚝一黎就热辣辣，未食已经闻到阵芝士味，超吸引，d蚝好新鲜冇腥臭 味。青口好大碟好足料！个饭有超大块芝士系上面，唔腻之余同咖哩又夹。食完仲想叫多次！ 最后到食串烧既时间～烟肉烧得好香脆唔油，车厘茄既酸中和番d滞。牛柳粒串唔会烧到老，唔un又juicy，烧汁好香，味道更加唔洗讲。整体好满意，餐厅环境理想干净，上菜速度好快，相同食物相差唔远。下次会再黎同fd gathering。