影片
更多
2024-10-08
838 浏览
经朋友介绍，试试呢间响湾仔区嘅神虎面商店 🐯一如以往，既然系第一次食，直接拣最招牌，最多料嘅神虎精选。《神虎精选 🐯🍜》老老实实，可能因为朋友讲到好好食，我对佢嘅期望系颇高的，结果系有少少失望。以下系分析：1. 香味 (2.5/5) - 首先想讲，香味系足，不过唔系我喜欢嘅味道，佢似咩呢，中式豉油 + 花生油 + 猪肉烧卖嘅味。唔系话佢唔香，但风味太中式，我唔觉得系日式拉面应该有咁嘅香味。2. 面条 (3/5) - 中幼直面，小麦香一般，配呢款汤我又觉得系适合嘅，我以下讲汤时讲多 d。3. 汤头 (2/5) - 汤系浓郁嘅，但致命伤有两点，一系真心太咸，二系味道太似即食面，猪骨味有但薄弱。不过咁，个面本身唔多挂汤，拉高啜一啖面嘅浓淡道算系刚好。我食拉面9成9会饮晒汤，但呢款汤，我系饮剩嘅。4. 配料 (3/5) - 因为拣左精选，料多就梗架啦。先讲腩肉，腍，香，几好食，不过叫得腩肉就一定隔肥隔瘦，我个人来讲都系觉得太肥左D。瘦肉部份，系好食嘅，虽然瘦，但都唔算un，可以算系有咬口，肉香系够。肉丸部份，我觉得不过不失，有阵似香茅嘅味道，总之系有d东南亚风味。好野最后先讲，就系溏心只蛋，哗
一如以往，既然系第一次食，直接拣最招牌，最多料嘅神虎精选。
《神虎精选 🐯🍜》
神虎精选 🐯🍜
$140
37 浏览
0 赞好
0 留言
老老实实，可能因为朋友讲到好好食，我对佢嘅期望系颇高的，结果系有少少失望。以下系分析：
1. 香味 (2.5/5) - 首先想讲，香味系足，不过唔系我喜欢嘅味道，佢似咩呢，中式豉油 + 花生油 + 猪肉烧卖嘅味。唔系话佢唔香，但风味太中式，我唔觉得系日式拉面应该有咁嘅香味。
2. 面条 (3/5) - 中幼直面，小麦香一般，配呢款汤我又觉得系适合嘅，我以下讲汤时讲多 d。
3. 汤头 (2/5) - 汤系浓郁嘅，但致命伤有两点，一系真心太咸，二系味道太似即食面，猪骨味有但薄弱。不过咁，个面本身唔多挂汤，拉高啜一啖面嘅浓淡道算系刚好。我食拉面9成9会饮晒汤，但呢款汤，我系饮剩嘅。
4. 配料 (3/5) - 因为拣左精选，料多就梗架啦。先讲腩肉，腍，香，几好食，不过叫得腩肉就一定隔肥隔瘦，我个人来讲都系觉得太肥左D。瘦肉部份，系好食嘅，虽然瘦，但都唔算un，可以算系有咬口，肉香系够。肉丸部份，我觉得不过不失，有阵似香茅嘅味道，总之系有d东南亚风味。好野最后先讲，就系溏心只蛋，哗！不得了，个生熟度拿捏得无懈可击！质感赢晒，可惜嘅系，只蛋都系太咸，盖过左蛋香，我只能enjoy到一半。
整体 - 不推荐
题外话/补充资料：
我觉得拉面最令我欣赏嘅有两样，心机同风味。呢间店，心机系够，可惜风味对唔到我胃口，特别系佢阵强烈嘅花生油味。而且，简单讲句，好嘅拉面会令人食到最后会觉得唔够皮，想encore食多碗，呢碗就真心冇。
(以上食记乃用户个人意见 , 并不代表OpenRice之观点。)
张贴
