101肉燥飯專門店 (已結業)

想追查台湾美食极唔厌嘅原因，今日连101肉燥饭专门店都唔放过。唔想食米饭，所以叫咗米粉系列。盐酥鸡翼配台式肉燥新竹米粉，米粉份量超多，有理由相信系依照餐厅附近中学嘅学生发育期食量而设计。肉燥够味，但可能放咗汤，感觉始终碎啲、油啲。盐酥鸡翼脆但无乜味，同正宗台式盐酥鸡嘅惹味程度差好远。无骨香辣三杯鸡新竹米粉，都系珍宝size。呢碗粉几辣，几咸，但三杯鸡应有嘅香甜同嫩滑就欠奉喇！里面仲有肉燥同豆腐，两个人share都可。饮品叫咗柑桔柠檬同埋珍珠奶茶。全部味道偏淡，叫做个餐搭杯台式饮品咁啦。调查结果系，想食极唔厌嘅，都系飞一转福尔摩沙先得喇！但要经济实惠咁食个饱，留港消费啦！