禮記 (已結業)

好耐无黎将军澳食野，今日中午黎左呢间礼记食点心。上次试过礼记，呢度装修新潮摩登之余，点心都非常精致，感觉高档次。茶杯都非常精美，筷子印左店名。点心纸简简单单，有礼点，蒸点，炸点，包点，肠粉，同甜品，分超点，顶点，特点，大点，中点，小点，价钱比上次黎加左少少。周末假日价钱再贵少少。座位费每位$13。今次每样食物种类都叫黎试吓先。点心即叫即整，等左20分钟以上就见到热辣辣嘅点心啦。礼记黑金虾饺皇 超点 $59 另加一礼记黑金虾饺皇一客3件，原来都几大粒，中间仲有一粒迷你正常皮虾饺添。黑金皮好靓仔，热食原来够薄，仲带微微咸味，冻食就烟烟韧韧，唔同口感。入面既鲜虾好爽脆，味道本身够咸香，唔洗另点酱汁。连𠮶粒迷你虾饺都皮薄好味。鲜虾米网肠粉 顶点 $49 另加一鲜虾米网肠粉一客6件，滑溜肠粉包住薄脆米网，入面系啖啖肉鲜虾，口感滑中带脆又爽脆鲜甜，正。豉油贴心咁另上，要几多自己加。香茜咸水角 大点 $39 另加一香茜咸水角一客3件，用个木篮装住上枱，仲有英文牛油纸垫底，颜色呈黄绿色，炸皮脆口带烟韧，食落甜甜地，入面坚有猪肉粒。比平时酒楼嘅咸水角出色好多。小王子豆沙包 大点 $39 另加一小王子豆沙