影片
更多
2024-09-13
990 浏览
提早同屋企人庆祝做节，记得之前朋友介绍过佐敦有间顺德河鲜传统酒楼，所以就试吓！我哋一家人试咗个六人餐！份量全部都好大，我哋七个人食都非常足够！呢间传统酒楼真系好有旧式酒楼嘅风味，我觉得带外国朋友嚟食都系有一啲特别嘅体验！1. 虫草花鲜响螺头鸡汤 （5/5）首先上个螺头鸡汤就俾佢一大盘汤料吓亲，因为真系好足料！𠮶啖汤系极之浓郁！我哋七个人分每人一碗之余仲可以分多两至三碗！2. 啫啫西芹焗鱼卜煲 （5/5）全晚我觉得呢个系最最最好食个煲，入边真系好多鱼卜，全部都大大条，觉得好多骨胶原啊！味道煮得非常之入味，一啲都唔会觉得腥，而且鱼卜系爽、脆、滑！呢味菜应该喺其他地方都好难食到，所以呢个系极致推介！👏🏻👏🏻👏🏻3. 蒜子山扣脆肉风鳝皇 （4/5）鳝皇都系用煲，好肥厚嘅鳝片，但系我自己个人口味我会钟意系脆炸烧口味多少少，同埋鳝有啲骨，但味道浓郁香滑嘅！4. 金牌得奖铜盘污糟鸡 （5/5）呢个见佢个名都系比较期待嘅，卖相就系铜盘上，望落去好似好一般，但系你一食个鸡你就会觉得知道…..系非常之滑，同埋入味！呢个我都会推介！5. 太子成名脆皮咕噜肉 （5/5）咕噜肉真系非常之脆，一夹落去都已经知㗎啦
我哋一家人试咗个六人餐！份量全部都好大，我哋七个人食都非常足够！
呢间传统酒楼真系好有旧式酒楼嘅风味，我觉得带外国朋友嚟食都系有一啲特别嘅体验！
1. 虫草花鲜响螺头鸡汤 （5/5）
首先上个螺头鸡汤就俾佢一大盘汤料吓亲，因为真系好足料！𠮶啖汤系极之浓郁！我哋七个人分每人一碗之余仲可以分多两至三碗！
2. 啫啫西芹焗鱼卜煲 （5/5）
全晚我觉得呢个系最最最好食个煲，入边真系好多鱼卜，全部都大大条，觉得好多骨胶原啊！味道煮得非常之入味，一啲都唔会觉得腥，而且鱼卜系爽、脆、滑！呢味菜应该喺其他地方都好难食到，所以呢个系极致推介！👏🏻👏🏻👏🏻
3. 蒜子山扣脆肉风鳝皇 （4/5）
鳝皇都系用煲，好肥厚嘅鳝片，但系我自己个人口味我会钟意系脆炸烧口味多少少，同埋鳝有啲骨，但味道浓郁香滑嘅！
4. 金牌得奖铜盘污糟鸡 （5/5）
呢个见佢个名都系比较期待嘅，卖相就系铜盘上，望落去好似好一般，但系你一食个鸡你就会觉得知道…..系非常之滑，同埋入味！呢个我都会推介！
5. 太子成名脆皮咕噜肉 （5/5）
咕噜肉真系非常之脆，一夹落去都已经知㗎啦，食落去就更加系外脆内软！
6. 笼仔荷叶梅菜蒸菜远 （4.5/5）
呢个应该都系招牌菜式，我好喜欢佢个甜梅菜，又唔会抢咗本身菜心𠮶个鲜味，我试过喺其他地方食可能梅菜嘅味太强，但系呢个系啱啱好！
整体嚟讲，一大班人做节或者平时宵夜晚饭都值得嚟，因为而家呢啲顺德菜式又要有水准，好难喺其他地方食到！而且价钱都系合理！
六人餐$2880！
张贴
