影片
更多
2013-11-29
454 浏览
虽然依家食火锅都无分季节，一年365日都可以，不过，晌冬天尤其感觉特别有风味。就好似盛夏之时，虽然可以开大冷气打边炉，但食完一出门口，夏死辣辣，无晒涮完火锅之后𠮶种御寒嘅感觉；相反，晌寒冬之下，涮完火锅一出门口，宁舍有种仲喺暖笠笠嘅感觉。今晚，虽然未喺好冻，天气都有啲凉，经介绍下，就同几个朋友嚟到「涮得栈」涮涮火锅，慢慢涮，慢慢叹！明明嚟到店舖附近，都望唔到涮得栈，原来佢喺誉宴所开嘅火锅店，誉宴个霓虹招牌劲抢眼，所以涮得栈个招牌差啲睇漏眼。餐厅就晌一楼，一边喺誉宴，另一边就喺涮得栈。估唔到涮得栈地方几阔落，枱櫈间隔亦都排得唔逼，感觉宽敞舒适。最正喺原来店内有多个独立厢房，有大有细，据店员话4个起就可以订房，仲要无最低消费，最抵死有埋平面大电视，唱埋K都仲得，真喺搞生日、联谊吓都唔错㖞，可以食得更自在！翻一翻火锅点菜纸，都有几多选择，配料夹夹埋埋超过80多款，而海鲜类似乎几有睇头。最有趣喺晌誉宴𠮶边见到个刺身房，所以涮得栈同样有刺身供应，以及餐前小食。顺带一提，虽然招呼我哋喺啲阿姐，但殷勤有礼，经常主动换碟加汤，成日都多谢前多谢后，值得一赞。酱料酱料费每位收番$15，调味架放晌一旁，有酱
明明嚟到店舖附近，都望唔到涮得栈，原来佢喺誉宴所开嘅火锅店，誉宴个霓虹招牌劲抢眼，所以涮得栈个招牌差啲睇漏眼。餐厅就晌一楼，一边喺誉宴，另一边就喺涮得栈。估唔到涮得栈地方几阔落，枱櫈间隔亦都排得唔逼，感觉宽敞舒适。最正喺原来店内有多个独立厢房，有大有细，据店员话4个起就可以订房，仲要无最低消费，最抵死有埋平面大电视，唱埋K都仲得，真喺搞生日、联谊吓都唔错㖞，可以食得更自在！翻一翻火锅点菜纸，都有几多选择，配料夹夹埋埋超过80多款，而海鲜类似乎几有睇头。最有趣喺晌誉宴𠮶边见到个刺身房，所以涮得栈同样有刺身供应，以及餐前小食。顺带一提，虽然招呼我哋喺啲阿姐，但殷勤有礼，经常主动换碟加汤，成日都多谢前多谢后，值得一赞。
酱料酱料费每位收番$15，调味架放晌一旁，有酱油、醋、生蒜、熟蒜、葱花及红椒，稍为选择少，另外一壶备用清汤亦预先放置好，唔使成日叫加汤咁麻烦。不过，房内亦有电钟，有需要一按就有店员入嚟帮忙。
招牌蟹锅 $198汤底一共有11款，其实有几款汤底几感兴趣，例如：奇味辣鸡锅（半只$88 / 全只$168）、滋补醉鸡锅（$88 / $168）、花胶螺头锅（$108），但结果拣招牌蟹锅，因为喺用上法国面包蟹，感觉特别。汤底以基本嘅蕃茄薯仔猪骨锅底为基础，鲜蟹另上，以验明正身，不过，最初嚟错只肉蟹，但又错手放埋落汤，事后经理发现，再送多只肉蟹俾我哋。由于汤底带浓浓蕃茄香，几鲜活，而肉蟹又颇鲜甜，真喺唔错！
我哋剔吓剔吓都点咗唔少嘢，依家就开始重点逐一介绍吓：招牌手切本地肥牛 $128（中）/ $188（大）
食火锅点可以无肥牛，所以一起手就要中份手切本地肥牛，油花唔算分布得好平均，但胜在肉味浓，灼过后好嫩滑，咬落无渣，颇鲜甜。
美国桶蚝 $148今晚小弟嘅推介首选，一份桶蚝有5只，只只肥大肉厚，就算渌完依样仍然大大只，咬落爆汁滑溜，认真饱满鲜味。
鲜鱿鱼 $42鱿鱼雪白晶莹，难得师傅切得够大件头，轻灼之后，入口爽弹鲜甜，用料不赖。
老友鬼鬼 $58幽默嘅名字，将虾胶酿入油炸鬼，件件油炸鬼塞满虾胶，一客8件确实几抵食。因为「老友鬼鬼」本身都半熟，所以晌锅内拖几拖都已OK，油炸鬼腍与脆之间，而虾胶质感爽弹，食落味美富层次。
自选手打滑双拼 $78独立叫基本上有墨鱼滑（$68）、鲜虾滑（$68）、鲮鱼滑（$48），亦有双拼（$78），咁双拼当然喺墨鱼拼鲜虾啦。两款手打滑除了弹牙之外，前者墨鱼味几浓，后者虾味挺鲜，值得翻兜之选。
脆炸响铃 $38估唔到响铃上枱仲有啲暖暖哋，放晌汤中轻灼数秒，脆身得嚟又渗进少少蕃茄汤味，效果不俗。
鲜杂菜篮 $38时令蔬菜大概有廿多款，除非你有心水指定食边几款菜，否则好似小弟咁随意无所谓嘅话，鲜杂菜篮就最唔使烦，我哋份菜篮有唐生菜、娃娃菜及菠菜，感觉几新鲜。
试咗唔少嘢，不过唔喺样样都有水准，好似个花雕醉生中虾（$88），一客只有5只，虽然虾鲜，但缺少酒香，似乎花雕未渗透虾中；脆鲩鱼片（$48），起晒双飞，卖相靓，可惜质感未够脆。罗汉果五花茶 $38
饮品除惯常嘅汽水，咁就要揾啲清热、滋润嘅嘢嚟缓和一下食火锅嘅燥。店内提供罗汉果五花茶及竹蔗水，前者较少饮自己拣佢。味道几清香，又带少少甜，够冰冻可以帮个人降降温，爽呀！加埋临尾一碗劲姜芝麻汤丸，暖意十足，捧住个腹！
有大集团支援，食材质量应该有保证，不过个别食物再改善、提升一下就更完美，但环境及服务依两环就好称心，尤其人少少都有独立房就最得我欢心，唔单私隐度高啲，最重要唔使咁嘈，方便跟好友边食边倾偈，唔使嗌爆咪都听唔到人哋讲乜嘛。
张贴
