G Place

营业中

休息中

前排约咗几个朋友出嚟食饭 倾倾吓计佢哋介绍咗一间普通人好难知道嘅私房菜餐厅 于是就好好奇究竟系点嘅🤔呢日就喺朋友带路之下 试一试佢🙈呢度嘅地点真系好隐蔽 要揾一阵先揾到 不过好嘢唔怕揾😏提提大家呢度系预约制 系冇Walkin架！一去到都几有家的感觉 而餐牌系固定嘅 但隔一排就会转一转好快店员就帮我哋准备今晚嘅食物👍🏻首先到嘅系前菜同沙律•昆布和牛和小排🐮•-一嚟到已经觉得好精致 但食落先至有惊喜！因为佢系用咗慢煮嘅方法 所以个熟到控制得啱啱好 生生地但系充满住油香味🤤•非洲古斯米🥗•-呢个沙律食落去好清新！入边融入左青椒茄子等等 爽口之余味道仲辣辣地好开胃！•招牌龙虾汤🦞•-呢个汤真系超水准！劲好味劲好味劲好味！餐厅用咗新鲜龙虾打成茸 然后慢慢煲 完全系劲浓味 就好似成只龙虾溶咗咁饮 真系极力推荐！到主菜啦！今日系烤焗鳕鱼配番茄酱•烤焗鳕鱼配番茄酱🐟•-因为系煎完先再烤焗嘅方法 所以表皮都整得好脆！而面头仲有烧过嘅蛋黄酱 配埋一齐食非常鲜甜！另外个番茄酱系师傅自己用新鲜番茄打成蓉咁整 所以鲜得来仲好原汁原味！.呢度嘅食物质素都几高 仲要系预约制 所以仲好私隐添！👍🏻