四季芬芳

营业中

休息中

食蛇唔老土，最紧要近近地有得补。比我知道市中心就有蛇有煲仔饭仲要系中环蛇王芬副线，当然唔执输要带老婆黎食下掂唔掂。劲香呀呢个鲜象拔蚌仔荷叶蒸饭 $128，份量好多，面头有蒜茸蒸嘅象拔蚌仔，底下嘅饭渗入海鲜味同荷叶味都几正。我觉得如果饭量少d，周边同最底下嘅饭都吸收到海鲜鲜味就更好。呢个啫啫双肠芥兰煲 $98老婆劲赞，用靓膶肠腊肠好鬼惹味，芥兰吸收左肠香油香，唔错！呢个我觉得下次黎我会encore，子姜面酱鱼腩煲 $128，材料酱料配搭辟走哂鱼腩腥味，鱼腩滑滑又大大旧，钟意食鱼肉就最岩。花胶太史蛇羹 $98卖相好靓，有葱花炸脆片等可随意加入，味道同平时街食嘅差不多，始终系市中心商场，价钱要卖得平所以蛇肉比较少。唔够喉叫多个桃胶菊花桂花雪梨茶 $28同石榴紫背天葵山楂蜜 $28，一个滋润一个开胃，几好饮，起码有益过饮奶茶。