影片
更多
2017-10-12
93 浏览
凉凉地，开始又系狂打边炉嘅季节！ 今次冇去啲大酒楼……连锁火锅店亦都不入选! 朋友介绍食间地道亲民火锅店。坚印象深刻，一入到店个个伙记都系笑容满面！讲番食先! 拣咗个猪骨火锅, 汤底一啲都唔肥腻,加上浓浓胡椒味，香甜合一！ 汤料非常足， 大大小小猪骨都有七、八旧， 仲有菇红枣白萝卜粟米芹菜葱…… 白萝卜吸哂d汤坚好食！火锅料讲重点！虾…… 插住支竹签重郁下郁下吓死我！ 劲新鲜好食，吓到我相都唔记得影脆鲩片…… 肉质爽脆， 厚薄适中，色泽好靓好新鲜水饺…… 绝对唔系肥猪肉饺，里面坚系料虾肉手打丸…… 虾丸好食弹牙！黑栢叶…… 唔系好多地方有得食，冇漂过嘅栢叶质地烟靭实在，唔会好似白百叶咁勒到咬唔开或者淋pet pet, 我钟意！乌冬…… 真系要讲一下， 唔系cheap cheap 上海炒面 look 乌冬， 而系有啲似稻庭乌冬，good!冬瓜…… 见到佢上枱，就觉得店舖真系非常之细心，有哂花边， 每次打边炉都要食冬瓜， 索晒啲汁劲好食最后梗系唔少得肥牛…… 有牛味半肥瘦呢度其实仲有好多其他嘢食, 好多海鲜选择, 仲有熟食, 不过真系好饱冇机会试， 再加上朋友对海鲜敏感，我今日都不能够叫太
坚印象深刻，一入到店个个伙记都系笑容满面！
讲番食先! 拣咗个猪骨火锅, 汤底一啲都唔肥腻,加上浓浓胡椒味，香甜合一！ 汤料非常足， 大大小小猪骨都有七、八旧， 仲有菇红枣白萝卜粟米芹菜葱…… 白萝卜吸哂d汤坚好食！
火锅料讲重点！
虾…… 插住支竹签重郁下郁下吓死我！ 劲新鲜好食，吓到我相都唔记得影
脆鲩片…… 肉质爽脆， 厚薄适中，色泽好靓好新鲜
水饺…… 绝对唔系肥猪肉饺，里面坚系料虾肉
手打丸…… 虾丸好食弹牙！
黑栢叶…… 唔系好多地方有得食，冇漂过嘅栢叶质地烟靭实在，唔会好似白百叶咁勒到咬唔开或者淋pet pet, 我钟意！
乌冬…… 真系要讲一下， 唔系cheap cheap 上海炒面 look 乌冬， 而系有啲似稻庭乌冬，good!
冬瓜…… 见到佢上枱，就觉得店舖真系非常之细心，有哂花边， 每次打边炉都要食冬瓜， 索晒啲汁劲好食
最后梗系唔少得肥牛…… 有牛味半肥瘦
呢度其实仲有好多其他嘢食, 好多海鲜选择, 仲有熟食, 不过真系好饱冇机会试， 再加上朋友对海鲜敏感，我今日都不能够叫太多下次！
争啲唔记得讲，饮品一定要饮山楂茶，好好好饮！
呢间火锅店地方虽然唔大， 但系坐得好舒服！ 食得好轻松自在， 完全冇畀人赶住交枱嘅感觉！ 侍应亦都非常之亲切友善笑容满面， 难怪呢间餐厅咁多好评，我一定encode！
张贴
