和田便當

营业中

休息中

我自己就少去科学园，好友兼我女的契妈最近系科学园番工已经一个月多，趁产假未完就丢低个女入去揾佢午餐。入面可以话系无咩选择，同埋间间餐厅LUNCH时间都大排长龙，等得黎又要急急脚咁食因为惊就黎迟到，见到呢间餐厅有部便当贩卖机都几方便，只系排一阵队就可以拎到盒饭，上去佢office食又唔怕同其他人太近接触。讲番呢部便当贩卖机，一日都有六个餐可以拣，如果想有得拣就要快啲落去排队，因为都有好多人食，随时手快有手慢无，今日我系慢嘅一个，所以好多餐都卖哂~ 不过唔紧要，意粉我都钟意食。.卡邦尼意粉今日我就拣左【卡邦尼意粉】，都几足料，而且仲有一边系放左啲蔬菜，有粟米、荷兰豆同车厘茄，咁就唔洗惊出去食餐成日都多肉少菜唔健康~卡邦尼意粉，唔好睇佢好似便当细细，但其实系十分饱肚，份量都几多。意粉上面加左好多火腿丝同芝士，捞埋一齐食，口感同味道都几丰富，芝士味好浓郁~ 套餐仲包埋一罐饮品，成个餐岩岩好，唔怪得知可以系科学园屹立左咁耐依然人气不减。