金龍冰室

营业中

休息中

天气爆热到冇胃口，想试呢间茶餐厅好耐，热到谂唔到野，入去坐底凉吓冷气先……见有秘制水煮鱼片、同埋秘制酸菜鱼片餐（跟配白饭），热到冇胃口想食啲浓味D嘅嘢，水煮鱼唔知会唔会太油腻，拣咗酸菜鱼。例汤好淡，唔知自己饮紧啲乜🧐，酸菜鱼上枱分量唔少✨，除咗鱼片（侍应话系黑鱼），配搭有金菇同埋水晶粉，鱼嘅质感好嫩滑👍🏻，冇骨我钟意😍，但系啲汤汁就得个劲酸，觉得系纯粹白醋嘅单一酸味，同咸，冇川菜独有嘅香，唔系话唔好食，不过冇令我有追住食嘅感觉。下次再去呢间餐厅的话，我会试埋佢哋嘅水煮鱼，希望会比酸菜鱼做得好。后记：去洗手间途中，地下好多积水同埋地下有啲下栏菜渣，卫生情况欠奉，有待改善。