林記小食

营业中

休息中

年廿九无返到屋企食(团年饭一早食咗)，而家夜晚有无堂食，一个人又谂唔到食咩，于是揸车游车河，兜兜吓去咗西贡。见到平时食开档炒面仲有开，于是就去买(其实食咗好多年，不过都无俾食评佢)。今次自己一个开大餐，买了一盒炒面、两串烧卖、两串牛肉球、一只糯米鸡。先讲炒面，一定要配佢个辣酱(记住唔系辣椒油)，佢啲辣酱好香，甜甜哋又几香，配埋炒面会变得好似捞面咁，而且佢啲炒面唔淋，食落去唔错。而牛肉球亦都系值得介绍，每粒都几大个，而且唔粉，食落去都有肉味。另外今次就叫埋糯米鸡，平时都无食过，正常唔算突出。呢间舖仲有一样推介就系胶粉，夜晚食宵夜唔错。