Arm Coffee

营业中

休息中

星期日行完山搭车出返西贡市中心正好肚饿，喺市场街来回行咗几次决定试吓呢间新开嘅cafe。望住个餐牌三心两意拣咗好耐最后决定要无Black Truffle Toast。饮品选择颇多。天气热本身想饮杯iced latte但见好似好细杯应该唔够我消暑最后叫咗杯Berries Yogurt Smoothie，价钱稍为偏贵，唔知味道点呢～等嘢食期间突然一阵机器声划破宁静，心谂应该系打紧我杯smoothie🤣不过声音实在同气氛有啲格格不入⋯果然转头就送到杯Smoothie ，坦白讲以呢个价钱嚟讲份量可以再多啲⋯不过好彩味道唔错都好足料，食到好多berries籽😂饮住杯Smoothie 一路欣赏吓cafe环境。等咗一阵，主菜嚟啦～一上枱滑蛋仍在冒烟，而且转嚟阵阵黑松露香味，令人食指大动👍🏻热辣辣嘅滑蛋，配合黑松露香，再加上烘烤得外脆内软嘅多士，真系令人食完一啖忍唔再食多几啖。杯饮品虽然有少少平凡，但呢个多士真系令我好有惊喜！因为呢个多士，即刻觉得今餐好满足😋总括嚟讲嘢食好食但嘢杯就价钱稍贵。