Goobne Chicken (AIRSIDE)

营业中

休息中

Airside 新开冇耐𠮶期想去朝圣一下，不过好多餐厅都未营业🥵。系呢间韩国餐厅比较大间，位置空间都大，都几啱一班人过嚟食饭。平日中午时间嚟等位都要等20分钟左右，张枱差唔多有，佢会打比你。见到入面其实都仲有好多吉枱，但唔知点解唔放人入去，可能佢执枱执唔切挂🤷🏻‍♀️不过到我哋入咗之后，明明隔离都系吉枱，出面仲系好多人等紧位🥶嘢食都系同平时啲餐单差唔多，我哋一行五个人拣咗两个主食，鸡块拼盘，同埋一个Pizza。份量OK，味道中规中矩啦，啲无骨鸡块真系好多，唔系人多都真系食唔晒🤔 不过啲芝士拉丝好快就冻晒，黐埋晒一旧，质感上都好似偏硬。Pizza系比较好👌🏻个批边都做得几脆，如果上面啲芝士粒转做菠萝会更加好味。感觉上太多唔同嘅芝士有啲漏咗少少，但整体都味道唔错👌🏻👌🏻如果过嚟唔多人，有位有得直入，我谂都会再过嚟食吓嘅。