忠記粥品 (立興大廈)

营业中

休息中

XO仔早两日因肠胃炎病倒，严重到请咗日病假，所以依几日都食得好清，且唔敢带隔夜饭返工当晏食，午餐都系留喺附近食粥就算。记得师兄曾经提过佢最爱帮衬湾仔间「忠记粥品」，见粥店咁就脚，今日就走咗去试一试。小肥由公司行去「忠记」都只需五分钟，两点后入座虽然店内都仲有好多食客，但因全为搭枱形式，故亦不用多等已能成功入座。粥舖楼底高，梁上有多把风扇及冷气机，坐满客人都唔觉嘈杂或者局促，小肥咁怕热全程都冇流过一滴汗，当真非常难得！店内四周都可见大大张餐牌，不过只有一个语言，恐怕外籍游客要懂中文先可以帮衬lu。免治牛肉粥（$17）：嘻嘻，听到楼面婶婶同厨房落单先知原来「碎牛粥」俗称「牛仔」，也太趣致了！真系估唔到粥品点咗一分钟即到，效率认真高！「牛仔」o既粥底热辣辣，鲜红色o既碎牛翻两翻已熟透，感觉新鲜、足料又卫生。碎牛含炸米粉幼条，入口嫩中带脆，粥品整体暖胃惹味，吃毕当真舒适不少。多得细佬平时同人吹水时真系有留心聆听，想起学长常挂于口边o既「忠记粥品」，今次小病也得来口福，可于街坊小店一尝窝心价廉味美o既「牛仔」，一解肠胃抽搐之苦。