鮨竜 (已結業)

同朋友去黄埔附近行街，佢话个头有间亲民价既厨师发办Omakase。我哋拣左竜（读：龙）餐 $680先上刺身4件（由右起，池鱼、带子, 中：笛鲷, 右：吞拿鱼（拖罗））。建议食法，先食右，再食左，最后食中间，味道由淡至浓。个带子几鲜甜，池鱼同拖罗正常发挥。笛鲷个汁几好食。卖相一流，打卡之选。热食：汁煮田螺, 酱汁整得几入味。寿司盛：乌贼， 拖罗，笛雕，赤贝，海胆，星鳗（由左至右）。正常Omakase水准，自己个人钟意个海胆寿司，好新鲜同滋味。茶碗蒸：个蛋好滑鱼子吞拿鱼亲子丼（迷你）鱼子同拖罗都好新鲜，好食。虾味噌汤：虾味浓郁，味噌正常。甜品：豆腐雪糕，焦糖炖蛋布甸蛋糕自己喜欢个焦糖炖蛋布甸蛋糕，有软滑口感，朋友就话佢喜欢豆腐雪糕，淡淡豆味唔太甜。