影片
更多
2018-07-17
412 浏览
从来无谂住呢条咁街坊既小街会开cafe，附近都系啲平民价既餐厅、发型屋同宠物店，cafe好似同成个小区个气氛都格格不入，但意外地做得唔错，好几次行过都无位，终于有一日系少人啲可以去试下。装修唔系话好特别，灯光都偏暗，而且啲櫈都唔算坐得好舒服，但系呢个位都做得住一定有佢既魅力既。首先就紧系佢杯咖啡啦，我地叫左Latte, Mocha, Cappuccino，Cappuccino𠮶杯系加钱转左燕麦奶，我觉得三杯都唔错，燕麦奶同咖啡只味都几夹，不过好似要加$8有啲贵，但我本身肠胃唔好，饮牛奶个胃容易唔舒服，转左燕麦奶个情况真系改善左，我无留意其他cafe有无得转奶，但呢间可以转唔系牛奶都几好。而价钱方面都算合理，虽然有啲细杯，但咖啡呢啲野系贵精不贵多架麻。😂我觉得隐啡除左杯咖啡之外，店员亦系另一大加分位。首先落单既时候，有别于一般cafe落完单就走，隐啡既店员系会介绍一下杯咖啡，又会问下我哋想要咩豆，如果唔系好识既话，佢哋会推荐你边只咖啡要用边种豆，又会介绍下只豆既产地，系属于咩口味等等。虽然我已经唔系好记得，但听完再饮都好似慢慢学到啲野咁，唔似平时连锁店𠮶啲饮完都唔自己饮左乜。另外，店内有
我觉得隐啡除左杯咖啡之外，店员亦系另一大加分位。首先落单既时候，有别于一般cafe落完单就走，隐啡既店员系会介绍一下杯咖啡，又会问下我哋想要咩豆，如果唔系好识既话，佢哋会推荐你边只咖啡要用边种豆，又会介绍下只豆既产地，系属于咩口味等等。虽然我已经唔系好记得，但听完再饮都好似慢慢学到啲野咁，唔似平时连锁店𠮶啲饮完都唔自己饮左乜。另外，店内有屯门既报纸写屯，又有啲社区活动既单张，作为屯门人我以前都唔知原来有啲咁既野，呢间店𠮶种同区既连结令我感受到我地都系屯门区既一份子，感觉好亲切。😊
而且店内有卖好多咖啡用具，我同店员倾计既时候得知，原来呢间铺之前系大兴工业区𠮶边开，主要系卖咖啡用品，之后好多客都话想佢地开返间cafe，所以就有左依家既隐啡，唔怪之得开张无耐就成日坐满人啦，原来好多都系以前既客。
整体黎讲cafe既环境一般，但咖啡同店员既高质已经弥补返环境既问题，如果下次有位，我都想再帮衬。😄
Mocha
30 浏览
0 赞好
1 留言
杯杯都有唔同既拉花，好有心。个杯垫都好靓。😀
张贴
