築地GINDACO (裝修中)

喺太古呢边冇乜街头小食，要去到太安楼𠮶边先有得扫街，突然口痕好想食小丸子，就嚟咗apita呢度食，仲有得叹冷气，系OK嘅。除咗小丸子佢仲有大阪烧，不过都系小丸子最好食，平时都会嗌个set，连埋个抹茶牛奶，都系$3x到，抵食啲。个小丸子唔使讲，有大大粒章鱼，上面有蛋沙律，食几多次都觉得好好食，虽然有时会唔系好够热，不过大部份时间都系热辣辣，好味！另外，个抹茶牛奶就一时时，有时佢啲抹茶粉落太多，但同时又太甜，搞到杯野又涩又甜，怪怪地。