影片
更多
2021-04-08
76 浏览
Cafe Paradise 美国顶级谷饲牛肩胛肉眼扒今日黎到Cafe Paradise 食午餐，行过杏花新城，被佢个外型装修吸引左，真系好靓好有心思，充满游乐场开心感觉，可以坐系旋转木马上面开餐，真系未试过！叫左两个$78 美国顶级谷饲牛肩胛肉眼扒配意粉，可以选择饭，意粉 ，薯菜，再加$30升级做套餐，包沙律，餐汤，茶水，甜品。餐汤系南瓜甘笋汤，再加上沙律，同埋茶水。本身以为石烧系好似铁板烧咁样，拣好几成熟就整好比你。原来石烧系原块生牛扒放上烧红左嘅石头，由自己去烧，自己中意几熟就烧几熟。餐厅亦都好贴心，睇到老人家，担心会被热石整亲，所以有员工过来切好再帮你烧埋。而酱汁方面就有黑椒汁同蒜茸海盐汁，唔洗拣，两只味有齐哂！不过原来控制熟成度都几难，因为石板有余热，所以边烧边食，就要好好控制时间，避免过熟。而甜品就系忌廉啫喱，呢啲怀旧小食，好有以前去游乐场食嘅感觉！
美国顶级谷饲牛肩胛肉眼扒
今日黎到Cafe Paradise 食午餐，行过杏花新城，被佢个外型装修吸引左，真系好靓好有心思，充满游乐场开心感觉，可以坐系旋转木马上面开餐，真系未试过！
叫左两个$78 美国顶级谷饲牛肩胛肉眼扒配意粉，可以选择饭，意粉 ，薯菜，再加$30升级做套餐，包沙律，餐汤，茶水，甜品。
餐汤系南瓜甘笋汤，再加上沙律，同埋茶水。本身以为石烧系好似铁板烧咁样，拣好几成熟就整好比你。原来石烧系原块生牛扒放上烧红左嘅石头，由自己去烧，自己中意几熟就烧几熟。
餐厅亦都好贴心，睇到老人家，担心会被热石整亲，所以有员工过来切好再帮你烧埋。而酱汁方面就有黑椒汁同蒜茸海盐汁，唔洗拣，两只味有齐哂！
不过原来控制熟成度都几难，因为石板有余热，所以边烧边食，就要好好控制时间，避免过熟。
而甜品就系忌廉啫喱，呢啲怀旧小食，好有以前去游乐场食嘅感觉！
张贴
