新來發 (新來記食品) (已結業)

转左环头, 想揾间似样d嘅食店都唔多觉有, 但放饭时间始终要揾个地方医肚, 于是就盲中中黎左呢间食店!由于系放饭时间所以都几多人, 不过一条友就好易揾个位, 坐底睇下有咩好食啦, 左谂右谂最后都系拣左叉烧饭, 加杯冻柠茶!一转眼就有得食, 叉烧卖相绝对不靓, 又干又瘦, d叉烧完全系唔新鲜嘅感觉, 口感其差, 好唔得啰; 而冻柠檬茶都算几大杯, 不过味道一般, 可以接受啦!总括黎讲叉烧质素绝对唔掂, 环境同服务都系一般, 而价钱绝对唔平, 埋单三十六蚊, 作为一个午餐同一碟叉烧饭黎讲绝对算贵, 唔抵食; 今次真系要比喊脸, 皆因师傅真系接受唔到, 但估唔到呢个喊脸会系呢间食店嘅第一个? 莫非其他食物真系好掂? 不过师傅都应该冇下次!