京香閣 (已結業)

上网见呢间餐厅搞中菜放题，屋企人又钟意食中菜，就趁happy Friday 黎屋企人食晚饭~餐厅主打京川沪菜，有我最喜爱嘅片皮鸭同埋一啲比较少见嘅菜式😋京式片皮鸭~烤鸭皮够香脆，肉质够嫩滑，有专人即席用新鲜烤鸭制成，鸭肉能够锁住肉汁，非常juicy~而且富油香，饼皮用蒸笼载着，保持热力。虽然薄，但够烟韧，包住一片片皮鸭，配以青瓜京葱同埋少量哈密瓜非常满足，哈密瓜嘅鲜甜提升咗整体嘅鲜味，而且爽脆嘅感觉为肉质结实嘅片皮鸭及烟韧嘅饼皮带来另一种口感层次🤤平时酒楼食片皮鸭几百蚊先得个几块，今次喺度食够本🤤原只鲍鱼花菇~每位都送一份，鲍鱼肉质弹牙，炆得够入味，花菇吸收左鲍汁变得胀卜卜，非常juicy~砂锅花胶鸡汤~每位送一锅，汤口够清，花胶够大块，充满胶质，系养颜之选，不过鸡汤味道再浓郁点就更好~东坡肉~虽然系肥猪肉不太健康，但系食落肉质软谂，炆得够入味，食落有入口即溶嘅感觉真系好难抗拒，都系少食多滋味啦🤣高力豆沙~好少见到既甜品，咬落有外脆内软嘅感觉，甜味主要来自内里嘅红豆，甜度控制都得宜，忍唔住食咗两旧~小笼包&生煎锅贴馅料充足，充满肉汁，食落唔会干身，热辣辣食好满足，不过饼皮再薄一点就更好