華星冰室 (E-Max) (已結業)

华星冰室听就听得多啦，食就系第一次， 经常去九展嘅我都已经试晒佢哋嘅餐厅，唯独是未试过华星冰室， 就今次试下佢哋好唔好味啦! 我去到嘅时候啱啱系lunch时段比较多人， 我哋坐咗响冰室门口。餐厅既食物种类唔系太多选择，所以叫咗一个常餐$42，有炒蛋，叉烧意粉，热咖啡，另外叫咗一个焗鸡扒饭$58，冻饮令加三蚊。第一眼望到叉烧意粉嘅时候真系吓一跳， 点解唔见叉烧嘅？ 原来全部收埋响底， 汤底都ok好味唔太咸， 叉烧普通不过份量都算多， 多士够香， 炒蛋味道跟一般茶餐厅冇乜分别， 不过不失啦，味道正常！焗鸡扒饭就太小鸡扒，只有一小旧， 味道酸酸甜甜蕃茄味够龙！佢哋嘅咖啡就一般般， 不是太好饮。总括嚟讲位置都算舒适 & 食物普通。