花小椒 (已結業)

上礼拜六去黄金买嘢，系附近揾餐厅，发现左呢间好有特色既餐厅。第一次尝试，我点咗招牌盘盘干拌麻辣烫，加埋风琴豆腐、肥牛、午餐肉、娃娃菜，面底就拣咗火锅宽粉😉干捞麻辣烫香辣味道真系好正。佢哋加咗啲蒜蓉同辣椒粉，更加提升咗味道。我真系好钟意食辣嘢，所以呢个辣度对我嚟讲刚刚好，够辣够浓郁。加埋风琴豆腐，佢口感嫩滑，吸收咗汤底嘅味道，好好食。肥牛都好新鲜，煮熟之后，仲保留住肥牛嘅鲜味同脆度，每一口都好满足😍午餐肉即使系烫过之后仲保持住佢嘅弹牙口感同香味。娃娃菜同麻辣汤底一起烫煮，口感好特别，更加增加咗菜式嘅层次感😛至于面底，我拣咗火锅宽粉，粉条都好弹牙，吸收咗汤底嘅味道，好滑而且有咬劲🥰🥰花小椒菜式几丰富，下次再黎试下其他嘢食😋