影片
更多
2022-06-14
1143 浏览
平时好少机会去九龙城，但𓃟食完沙嗲牛肉面唔够喉，夜晚拉左我去方荣记打边炉。顺便同大家分享下第一次去嘅感受。方荣记原来已经有六十几年历史，最出名嘅莫过于佢嘅沙嗲汤底。汤底浓厚稠身，沙嗲连同花生嘅味道非常突出，仲有一粒粒花生碎！相信食开浓味嘅朋友会好钟意。（我会一开始留起一碗汤，等之后加水时调和用。）另外网上见好多人推荐带骨炸鱼皮，好可惜当日卖哂未能一试。最后我同𓃟叫左墨鱼丸($38)、鱼皮饺($38)、韭菜饺($38)、响铃($38)、猪颈肉($58)、伊面($15)、细时菜($25)。虽然唔系大鱼大肉，但食得好满足，亦有啲油腻感。埋单计埋汤底($60)同酱介($16)，总共$359连加一。个人认为响铃吸汤入味一定要叫，但令我意想不到嘅系原来韭菜饺都几夹沙嗲汤。食到最后落埋个伊面岩岩好，至于点解唔叫大光面？因为只𓃟想食啰。不过伊面都唔差嘅，我当沾面咁食咋。P.S. 食完过几日我又嚟买左两个净沙嗲汤底返去俾屋企人试下($250/1 好似系)，老人家都几钟意但觉得咸左少少。建议如果想自己调味可以买佢哋一樽樽嘅沙嗲酱。
方荣记原来已经有六十几年历史，最出名嘅莫过于佢嘅沙嗲汤底。汤底浓厚稠身，沙嗲连同花生嘅味道非常突出，仲有一粒粒花生碎！相信食开浓味嘅朋友会好钟意。（我会一开始留起一碗汤，等之后加水时调和用。）
另外网上见好多人推荐带骨炸鱼皮，好可惜当日卖哂未能一试。最后我同𓃟叫左墨鱼丸($38)、鱼皮饺($38)、韭菜饺($38)、响铃($38)、猪颈肉($58)、伊面($15)、细时菜($25)。虽然唔系大鱼大肉，但食得好满足，亦有啲油腻感。埋单计埋汤底($60)同酱介($16)，总共$359连加一。
个人认为响铃吸汤入味一定要叫，但令我意想不到嘅系原来韭菜饺都几夹沙嗲汤。食到最后落埋个伊面岩岩好，至于点解唔叫大光面？因为只𓃟想食啰。不过伊面都唔差嘅，我当沾面咁食咋。
P.S. 食完过几日我又嚟买左两个净沙嗲汤底返去俾屋企人试下($250/1 好似系)，老人家都几钟意但觉得咸左少少。建议如果想自己调味可以买佢哋一樽樽嘅沙嗲酱。
张贴
