義香荳腐食品

营业中

休息中

我第一次写评论，真心唔明呢间野点解咁多人帮衬。我第一次买 企系度等紧佢比豆浆豆花同炸豆腐，隔离有个女人拎起旧野问个呀姐几钱，佢答「自己识睇啦，我唔会再答呢d问题」个女人当堂嬲到走左。咁佢唔系串我，我本身都无咩野。咁佢整完个豆花比我，就劈咗系前面个纸皮兜到暗示我自己拎，我一拎起个豆花系45度倾斜，我又两手都渣住野，佢望住都无谂过帮手，仲bear我觉得我阻住后面，然后我唯有用一只手慢慢整返好佢打直拎起。最嬲既系，我比左钱买埋3旧炸豆腐，佢唔记得都算，我问佢先帮我整，整好果阵佢拎起想比我我两只手都拎紧野仲拎紧部电话，谂住收返部电话落裤袋先接佢袋豆腐，然后我手机都未放落袋（一秒都无）佢就「dxx，你自己拎」（就将袋豆腐劈去另一边个纸皮盒）我自己拎。真系心谂使唔使呀。返到屋企都仲成肚气，想饮啖豆浆下下火又成浸㶶味，我就真系唔识欣赏喇，呢间垃圾，我一定唔会再帮衬。