麻辣串串香 (已結業)

呢间串烧店都几多人等野食，见入面座位少，废事等太耐，决定叫外卖走，款式选择多，价钱都唔算贵，有辣有唔辣。乌冬底，萝卜，猪红，海带，猪大肠，牛腩，水鱿鱼 $62。塞到个碗就黎胀爆放唔落咁，酸辣味几出，啲𩠌份量可以，但唔钟意啲乌冬冧到仗住咁。烧原条茄子 $32，无得顶啦，烧茄子加调味好难做得难食，大量蒜蓉产生好味化学作用，除左食完会口臭之外，完美。一堆唔同既串烧，最钟意鸡髀菇，口感同味道都好。人均$110左右，虽然唔会饱，但胜在惹味可接受。