影片
更多
2011-01-28
22 浏览
今日老板邀请我地去K11的Parsa食新疆菜~ 一入去，已经好有feel。我地估佢装修费都几金~打开menu，价钱好似有点贵，于是点了呢个$320的4人餐。前菜的凉拌豆腐，好有台湾feel，可能系受皮蛋同葱菜影响吧！入口涷冰冰，果然系凉菜！之后的烟鸭胸老虎菜沙律，其实又系一般有齐紫椰菜、火箭菜、洋葱等的菜菜沙律，配个醋当沙律汁，一般啦！先来的清炖羊肉，系咪卖相一流先？一打开个碗盖，已闻到扑鼻而来的羊肉味，一饮落肚，果然好清，但肉味劲浓郁，总之饮完一碗，感觉成身暖哂，冬天饮就正啦！之后就到香酥羊排骨，睇个presentation真系杀哂，可能又系用孜然粉腌过，感觉好似深圳食 “东北人”的羊肉咁，不过人地十蚊人仔大大只羊脾，呢度几廿蚊一小件羊排骨啰~ 2只辣椒的新疆大盆鸡，感冒中，唔想食鸡的我，唯有试吓垫底的“皮蛋粉”，质感好似小肥羊的宽条肥羊粉，QQ的，索哂个汁，几好味架！而所谓的2只辣椒，其实都系一般辣，唔食辣的朋友都肯定食得到！酱炒包心菜似上海菜，好浓味，配饭就最正！由于无甜品，所以老板很体贴地请埋我地食拔丝香蕉（$70），上台见到只有6件，就觉得呢度D野食超贵！好在，佢真系做得唔错
一入去，已经好有feel。我地估佢装修费都几金~打开menu，价钱好似有点贵，于是点了呢个$320的4人餐。
前菜的凉拌豆腐，好有台湾feel，可能系受皮蛋同葱菜影响吧！入口涷冰冰，果然系凉菜！
之后的烟鸭胸老虎菜沙律，其实又系一般有齐紫椰菜、火箭菜、洋葱等的菜菜沙律，配个醋当沙律汁，一般啦！
先来的清炖羊肉，系咪卖相一流先？一打开个碗盖，已闻到扑鼻而来的羊肉味，一饮落肚，果然好清，但肉味劲浓郁，总之饮完一碗，感觉成身暖哂，冬天饮就正啦！
之后就到香酥羊排骨，睇个presentation真系杀哂，可能又系用孜然粉腌过，感觉好似深圳食 “东北人”的羊肉咁，不过人地十蚊人仔大大只羊脾，呢度几廿蚊一小件羊排骨啰~
2只辣椒的新疆大盆鸡，感冒中，唔想食鸡的我，唯有试吓垫底的“皮蛋粉”，质感好似小肥羊的宽条肥羊粉，QQ的，索哂个汁，几好味架！而所谓的2只辣椒，其实都系一般辣，唔食辣的朋友都肯定食得到！
酱炒包心菜似上海菜，好浓味，配饭就最正！
由于无甜品，所以老板很体贴地请埋我地食拔丝香蕉（$70），上台见到只有6件，就觉得呢度D野食超贵！好在，佢真系做得唔错，个脆浆够薄够脆，甜度适中，香蕉够熟够甜，唔错噃！
呢度的碟头都几细，我地3女1男都系勉强够饱，如果4个男人帮衬，应该要来个double吧！
个人认为，除了个羊排骨同埋炖羊汤之外，完全唔觉自己食紧新疆菜，好在有气氛搭够啰！仲有，呢度lunch hour都唔够10围台，希望佢晚市情况好D啦，否则都应该好难挨落去！
张贴
