拉麵Jo (已結業)

今日中午难得黎Elements做野，紧系顺便过埋黎食饭啦！最近有d钟意左食拉面，就拣左呢间试下。之前都有听过下，等食时参考下其他食评先知原来系米芝莲推介餐厅之一。见到好多人都食沾面，我又点黎试下，反正我未食过。佢系用粗面，非常弹牙口感好正。用黎沾面个汤都几好，又唔会太重口味。开始有少少爱上左沾面。同行嘅朋友仔就点左个期间限定虾拉面，有樱花虾添呀！一拎埋台果下真系超香甜，而我试左一啖个汤底系okay嘅，但未有太大惊喜。整体其实几好，只系愈食愈热，我地都开始出汗啦。碗面又未系咁热，到底系开放式设计走左冷气，定系今日真系太热呢？