J.L. Private Kitchen

营业中

休息中

妹妹生日，拣左食私房菜。一家4口一早拣好左各自想食既野回覆餐厅。见佢唔收开瓶费同切饼费，我地带埋私家酒同蛋糕😂地方比想像中大，环境几靓有气氛，座位唔逼，但staff就比较少（厨房二人，侍应一人），始终私房菜嘛。待应同我地核对好餐牌之后，就食住面包等上菜，面包个橙色酱几特别，但我地唔知系咩酱😂食私房菜好处就系生鲜！边款生蚝靓就出边款，劲生鲜！带子苹果沙律劲鲜甜！汤我拣左黑松露野菌忌廉汤，不过理失，但家人拣左龙虾汤就话比较浓味同咸。到first course，个意粉成板海胆好吸引！三文鱼芝士薯蓉批好好食！三文鱼好香！Main course 龙虾带子好新鲜！鳕鱼肉质靓又煮得好好食！羊架有份量又好味，好满足！甜品系原个椰皇炖燕窝，有不少燕窝同桃胶，好清甜，但入面有成旧冰，对我来说冻了一点。食物新鲜好味，环境优美，是个好地方，但一家人食饭都想同时开动，如果各人上菜速度可以拉近翻就更加好。