POKE (已結業)

星期日我同女朋友去咗铜锣湾食dinner.  行行下见到间食poke bowl既餐厅，虽然系星期日，可能系6点几既关系，所以无乜人，平日经过都要等下先有位。里面都算细，但系都算几舒服。我个靓女女朋友叫既：TUNA，D配料系蟹籽、菇、蕃茄，再加牛油果(+$10)，个酱系wasabi yogurt。D tuna 都几新鲜，虽然未到入口即溶，不过都算唔错；最特别系个sauce，同埋D饭同配料一齐食好夹！！上面个个就系我叫既octopus，D配料有蟹籽、鸡蛋丝、腌萝卜，再加牛油果，个酱系鲣鱼汁。我就觉得D八爪鱼普通D，不过都算爽口，所有野加埋个牛油果一齐食就几有层次，不过个败笔就系个汁同萝卜，搞到个饭湿咗D，我个人就建议wasabi yogurt，同埋唔好加萝卜。埋单$186，都算合理，分量都唔算细，连我好大食都觉得几饱！