影片
更多
2010-08-13
25 浏览
陈某放假，去Elements睇小王子展览，顺便去食多次夏面馆。上一次食已经大约系一年前，感觉良好，今次反而逊色左，去到坐低，冷气非常冻，同侍应讲转位后仍然好冻，但冇辨法，照食，因为太冻，冇影到相，食左：小笼包：好多肉汁，摆放得好所以唔会一夹就穿，一向好钟意食小笼包，觉得夏面馆既小笼包好好食，推介。葱油肉丝面：本身一心黎想食荵油拌面，上之食完之后一直念念不忘，点知佢话D虾未准备好，叫我转葱油肉丝面，本身谂住都应该差唔多，只系冇左虾姐，都OK啊应该，点知系汤面黎，佢一开始又唔讲明，有少少失望，呢个都好食，但比唔上荵油拌面果阵油香。棒棒鸡：想食鸡丝粉皮，佢又话呢个就系，又系上到黎先知系落左辣油，系几惹味既，但陈某觉得辣味盖过左花生香味，食到差唔多见底果阵觉得太浓太辣，根本就唔系鸡丝粉皮果回事。酸辣海蜤：我冇食，陈某食左两啖就醒起上次又系order左呢个，但味道太古怪所以冇食，今次又中左招。蒜泥白肉：感觉唔到蒜泥味道，D汁味道OK,但冇蒜味，净食白肉，冇乜意思。豆浆：都系果句，冇味......好比饮紧清水一样。样样食物都系介乎合格同唔合格之间（除左小笼包），入口系冇问题，但就系差果少少就变得唔
陈某放假，去Elements睇小王子展览，顺便去食多次夏面馆。
上一次食已经大约系一年前，感觉良好，今次反而逊色左，去到坐低，冷气非常冻，同侍应讲转位后仍然好冻，但冇辨法，照食，因为太冻，冇影到相，食左：
小笼包：好多肉汁，摆放得好所以唔会一夹就穿，一向好钟意食小笼包，觉得夏面馆既小笼包好好食，推介。
葱油肉丝面：本身一心黎想食荵油拌面，上之食完之后一直念念不忘，点知佢话D虾未准备好，叫我转葱油肉丝面，本身谂住都应该差唔多，只系冇左虾姐，都OK啊应该，点知系汤面黎，佢一开始又唔讲明，有少少失望，呢个都好食，但比唔上荵油拌面果阵油香。
棒棒鸡：想食鸡丝粉皮，佢又话呢个就系，又系上到黎先知系落左辣油，系几惹味既，但陈某觉得辣味盖过左花生香味，食到差唔多见底果阵觉得太浓太辣，根本就唔系鸡丝粉皮果回事。
酸辣海蜤：我冇食，陈某食左两啖就醒起上次又系order左呢个，但味道太古怪所以冇食，今次又中左招。
蒜泥白肉：感觉唔到蒜泥味道，D汁味道OK,但冇蒜味，净食白肉，冇乜意思。
豆浆：都系果句，冇味......好比饮紧清水一样。
样样食物都系介乎合格同唔合格之间（除左小笼包），入口系冇问题，但就系差果少少就变得唔够味，会再试多次，希望下次会改善，否则未必会专程为佢某几样食物佢而黎。
张贴