滿江紅 (已結業)

星期六晚7点几冇订台走过嚟都仲有位，咁啱次次都系同一张台，今次佢哋个冷气终于整好。今次都系叫小菜，未试过的口水鸡、炒薯丝(醋）、毛血旺，仲有必叫大大杯冻柠茶。口水鸡酱汁浓，香口的，唔算好辣好麻，鸡肉没有雪过龙。少少辣，用醋炒系开胃嘅，如果下次拣辣炒应该惹味啲。后加毛血旺，本身捞面啲料都冇咩特别，系捞起底嘅汤就唔同晒，又香又麻辣，啲料好多，猪红、鱿鱼、牛柏叶、肠仔，仲有一旧爽爽地嘅应该系黄喉。最后又系食到超饱咁落楼，埋单每人差不多$200。呢间餐厅俾起新开嘅川菜胜在份量多，又唔会太重味，易揾位，所以我哋会翻单几次。