黑布小巷

营业中

休息中

第4次食呢间黑布小巷，因为佢嘅台式吐司实在太出色，所以好似M记咁，我间唔中会黎食。叫主食可以加钱追加小食同饮品，所以每人一个full set的话，人均都唔驶$100蚊，不过我今次叫埋蛋饼，所以贵啲啲。⭐慢烤鸡腿芝士蛋吐司之前食开肉蛋吐司，今次试下鸡腿，我觉得比猪扒更正，因为块鸡腿又厚又多汁，配埋个溶咗嘅芝士酱汁，咸中带甜咁几好味。⭐芝士火腿肉松蛋饼蛋饼入面嘅火腿足以可以啖啖食到，面头放咗啲肉松，增添咗层次，酱汁份量亦都啱啱好。⭐红烧台式牛肉面牛肉面系每日限量供应，本身想试嘅番茄牛肉面卖哂，所以试番红烧牛肉面。呢碗面牛肉份量非常多，牛肉腌得好淋好入味，面条好似啲手搅面咁，好烟韧弹牙，亦都挂到汤。汤底味道好浓，不过我觉得汤多啲会更加好。而个酸菜我觉得系精髓，可以将个汤嘅味道提升。⭐花枝丸配淮盐 （5粒） 呢款小食都系每次都叫，因为花枝丸入面够哂真材实料，食落鲜甜而且弹牙。桂花鸟龙 （冻）冬瓜茶（冻）桂花乌龙冇糖，而冬瓜茶就固定甜度，两杯都唔错，可以试下。去开荔枝角嘅朋友，可以试下呢间，真心唔错！