四川風味小吃

营业中

休息中

在疫情下，每个人都系买外卖回家食，今日收工去到路德围谂住买外卖返屋企食啦，见到e间四川风味小吃排晒队咁，于是就过去望下啦！见到野食都ok,就排下队啦！点左三个小吃返去加𩠌啦！分别系凉拌海带，凉拌皮蛋同埋猪肚丝。海带系师傅即刻捞呀！我就点左中辣，见师傅都落左好多配料，非常期待。返到屋企，就试下佢地啦！首先系凉拌皮蛋，皮蛋非常好味，唔系好辣，好香皮蛋味道，份量都好足，而底下d青瓜丝都好正。到猪肚丝啦！味道同皮蛋差唔多，猪肚份量都好足，绝对比出面嘅多，食落去好香口，而且食落去猪肚有爽脆嘅口感，绝对系大师傅级数。最后就系凉拌海带，海带营养丰富，但系本身就无咩味道，配上川辣都几夹呀！我点左中辣，但系感觉上就唔系好够辣，味道系绝对可以呀！最后我都系清晒，会再帮衬！